الصوت صوتي وانا حر فيه .. (بقلم/ إلياس القرقوري)

الصوت صوتي وأنا حر فيه .. لا عندي حزب يحكم فيا .. ولا حساب داخل فيه ..
همي هو هم بلادي .. والتجمع من قبل الثورة معاديه ..
في التشريعية عطيت صوتي للي يخدم في الثورة ..
طلع حزب جلاد الشعب .. خذا الأغلبية بعد ما القطعية الكل صبوا فيه …
اليوم في الرئاسية ما عندي حتى خيار كان المرزوقي .. العمال على ربي وعليه …
ما دوا الفم الأبخر كان السواك الحار ..
وفمنا موش أبخر واكاهو .. المرزوقي وشوية فيه ..
لا نستنى في حزب يحسب يحسابو ويقلي .. ولا نستنى قمح من باجة الدجاج الكل تنبش فيه …
المرزوقي هو اختياري للرئاسية الجاية .. ثماشي ما الثورة تركب على الثور .. واللي ناوي على الغدرة تتحرق يديه ..
كلاب الدم .. قد ما يزيدوا يسبوا المرزوقي .. قد ما نزيد نكبش فيه .. واللي مستانس بالظلمة .. يكره ضو ربي .. ونور الحق يعميه …
أنا ماشي ننتخب المرزوقي .. على خاطرو يشبهني .. وهمو من همي .. واللي يبكيني يبكيه ..
لا نعرفو لا يعرفني .. أما الحق يجمع أماليه ..
ماشي ننتخب المرزوقي .. واللي ماشي يتغشش ما نلوموش .. رايو وهو حر فيه …
واللي يحب يكون صوتو مع صوتي في الصندوق أكيد يشرفني .. ومرحبا بيه …

أترك تعليقا

تعليقات

%d مدونون معجبون بهذه: