العياري لحركة النهضة:إما أن تبدؤوا حملة الايقافات و تفتحوا الملفات و تعلنوها حرب شعواء أو تبؤوا من الآن أماكنكم في السجن

كتب الناشط و المدون ياسين العياري على صفحته الخاصة على الفايس بوك ما يلي :

عندما يلوم من لم يجد القناصة من لم يجد الإرهابيين
القناصة إشاعة؟ الإرهابيين؟ هاك الإشاعة عملت لحية!

نسيتوهم حقة القناصة، موش في عهد الخوانجية، ما يهمش دونك!

أعطوني قناصا، أعطيكم إرهابيا و نزيدكم معاه كعبة سامبول لوكاسيون بلاش

تقعد وهف!

إرهابيين متع كي يحيدو وزارات السيادة يلمو الألغام و كي يكمل الدستور يقتلو البراهمي و كي يفشل إعتصام الروز بالفاكية يقتلو الجنود و كي ما تلقى كان المصايف و الجولات بو 14 عام باش تسقط الحكومة يقتلو الحرس، هاذم ماهمش إرهاب، هاذم لجان يقظة، هاذم ميليشيات حزبية

تقعد وهف

قلك ضد العنف و الإرهاب و أحرقو مقرات النهضة و أقتلو النهضاويين! شنوة هذا ؟ حب و بوس و تسامح

بالله سؤال، علاش عمرو الإرهاب ما دار بتجمعي، مادار بفلك واحد حتى صاحب مولى الباش متع الغرياني

تقعد وهف و يزي م الكذب على روحك، إحشم يزي، الناس الكل فايقة و فاهمة و الكلها تفلم، ما عاد شيء مخبي، قلك يستقيل العريض يوفى الإرهاب! يظهرلي على حساب هذا، الإرهاب هو مقترح خريطة الطريق و خامس الرباعي الراعي للحمار

الحمار وفى ملي النهضة المرة هاذي شدت صحيح و لا إستقالة قبل إكمال الدستور، الباقي الكل تفليم

أعطوني سبب واحد يمنع المصادقة على الدستور (الي كمل و حاضر ) قبل؟ حتى شيء!

تره آقف لحظة و خمم، وين حب يوصل الإرهاب و هل بتصرفك و تفليمك، ماكش قاعد تخدم في هدف الإرهابيين؟

و جماعة النهضة، مزلتو راقدين؟ مزلتو مخرجين الشارع م المعادلة، مزلتو تتحاورو مع التجمعيين و الخماج، مزلتو تخرننو بتوافق و خرطر، مزلتو؟ سمعتو ريق دمك أكحل و كمية الحقد و الكره و الإستئصال؟

و شرف أمي، التاريخ رحيم معكم، أعطاكم من الفرص أكثر مما تستحقون، أظن صبره بدأ ينفذ، فإما أن تكسروا أوهامكم و تثقو في هذا الشعب و تصارحوه بالحقيقة و تعتذرون عن سوء التقدير و البهامة و تبدؤون حملة الإيقافات و فتح الملفات و تعلنونها حربا شعواء، فإما حياة و إما فلا و تتقوا الله في هذا الشعب، أو تبوؤوا من الآن أماكنكم في السجون.. ما أظن التاريخ لازال بكم حليما.

“وَمَنْ يَتَّقِ اللَّهَ يَجْعَلْ لَهُ مَخْرَجاً”

أترك تعليقا

تعليقات

%d مدونون معجبون بهذه: