image

جاو من كل بر.. جاو للساحة و الميدان (مقال/ياسين عياري)

جاو من كل بر.. جاو للساحة و الميدان

كبار، صغار.. نساء، رجال.. عمال، فلاحين، طلبة و موظفين.. بطالة

زواولة و خير م الزواولة.. سلفية و زبراطة

قالولو :”جيناك بلاش فلوس جيناك”

حكالهم الي عندنا مشكلة متع بذور، ما انجمو نزرعوا إلا ما نستوردو خاطر القمح متاعنا كي نعاودو نزرعوه ما ينبتش

حكالهم على المياه و الحفاظ عليها كخيار إستراتيجي

حكالهم على البحر و الحفاظ عليه كمخزون غذائي لأولادنا

جابلهم معاهم كتب، و حكالهم على العلم كوسيلة إرتقاء بالشعوب.

حكالهم إنه تونس تتسع للجميع، للخوانجي و السلفي و الحداثي و الشيوعي.. حتى الخماج و السراق : يخلصو جرائمهم في إطار عدالة إنتقالية و لهم في تونس مكان.

حكالهم على العدالة و هيبة الشعب و السيادة الوطنية..

حكالهم إنه يدعم حق الشعوب في الحرية و نقللهم تحيات أسود المقاومة الفلسطينية

كرم عائلات شهداء المنطقة، كرم جرحاها و المتفوقين دراسيا فيها..

في نفس الوقت..في إحدى أوكار الفساد البورجوازي، قام لاخر.. دور بيه خمسة طماعة و ستة جاد عليهم.

قلهم الي تشد بالسيف ما عطاش، و القروي يحب فلوسو، لذا بش نساندو البجكوش!

الراجل يحب يخلص.. و برة تياسة! خايبة تياسة! موش شباب حمدين صباحي!!

و الثورة.. أنا ثورة!؟

مشات.. بعناها و قبضنا!

و المفقرين و المهمشين و المشروع الوطني و نبيل بركاتي؟

نعطيه راضية القروي؟! هذاكا هو! هنا بعناهم هذوكم الكل، و تو عندنا النمط!

النمط.. أنا نمط أيها الأبله!

في نفس الوقت.. بلاصة أخرى، واحد خارف..

يبدا بالسلام على الفلايك، و بعد يعري روحو و يزور ولي.

يقعد على كرسي، و يقعد الجماعة في القاعة!

الصحافة ممنوعة.. يمشيش يزلعها!

برنامجو.. بش يحل للشباب الزطلة.. و كي كان صغير كان فالس كيفهم، أما توة كي كبر، قعد فالس فقط سياسيا و أخلاقيا و معرفيا.

و تونس فيها كان هو و خماستو و خدامو.. الأخرين إرهابيين، فضلات، هوكش..

و العكرمي وصاه باش يدين إعتدائات حماس على إسرائيل و الشلغومي موافقه على هالحكاية

و نقللهم تحيات سيدهم و تاج راسهم خلفان، ماهو سيد سيدك، يتسمى سيدك زادة!

هذه تونس اليوم.. هذه تونس عشية الإنتخابات، فأين مكانك؟

العار أطول م الأعمار.. يعتقدونه موقف و سينسى.. لم يدركوا حتى الآن تاريخية اللحظة.. لكن التاريخ يدرك!

هل أنت من جماعة لا أشترى و جيناك بلاش فلوس.. أم علوش شراه القروي للكوش!

هل أنت من جماعة المستقبل و الكتب و المياه و البذور أم علوش النمط

هل أنت مع مستقبل أفضل.. أم مع إعادة الماضي التعيس!

لا يوجد نصف موقف! كيف نصف موقف.. نصف لواط مثلا!

لا حياد في المعارك الكبرى! الحياد خيانة!

فقلي.. أ مواطن أنت أم علوش أم رعية.. أم نصف لواط!؟

أترك تعليقا

تعليقات

%d مدونون معجبون بهذه: