حق دم التونسي وين بقلم مروى فرجاني

كل واحد غاطس في حزبو وسياستو.. والمنظمات اللي يسميو فيها وطنية كيما الاتحاد دشن اليوم مقر جديد تكلف 27 مليار…والشعب يعاني والزوالي يسوفري.. والبطال زاد بقبق. واللي يخدم وجهو اصفر من الجري, والمرافق العمومية ولات تخدم وقت اللي يظهرلها.. والرشوة زادت والفساد كثر والمحسوبية ولات اضعاف ما قبل الثورة… والاحزاب الاسلامية ولات علمانية والاحزاب العلمانية ولات بوذية… وصغارنا هبلوا بين التونسية ونسمة وهارلم تشاك والاعلام والموضة والحرية والشذوذ ..واللي زاد تخربق في راسو …واللي زاد تأسلم واللي زاد كفر.. والبلاد واقفة على كعبتين وكعبة… والدولة الأجنبية اللي تحب تدخل تعمل طلة يضيفوها ويعطوها طرف من تونس… المانيا تفرز وفرنسا تفرز وامريكا تفرز واليهود ومخابراتهم يرتعوا.. والدستور متاعهم يكتبوا فيه بالسيف علينا … والبوليس ماعاد حد ينجم يكلمو واللي يتكلم يقولوا امن جمهوري.. وين ماشين؟

أترك تعليقا

تعليقات

%d مدونون معجبون بهذه: