image

سليم الرياحي يساند البجكوش (مقال/ ياسين عياري)

دونك ريت هاك الفيلم متع نسمة، ريت قداه شلكوه، كيفاه سخسخوه..

هيا عس إمالة على أقوى قلبة فيستة..

أقوى من قلبة بلحاج متع ليبيا، ملي كان إرهابي خطير، صبح ديمقراطي و محلاه على قناة القروي.

لا لا، هاذي أقوى..

ريت مهزلة ولد الشعب.. هيا حضر روحك لميلودراما ولد الشعب 2 لو روتور.. مع “سي سليم”.

و أعلف الڨرط يا مواطن.. من القروي طول!

هو باعلك البجكوش ديمقراطي، و تياس الشعبة ولد الشعب، جات في “سي سليم”!

وخي مادام هوما يسربيولك و انت تستهلك، إش نعملك أنا!

عادك بيهم.. الإفريقي جمعية الشعب، دونك يلزمها تدعم شيخ الشعبة.

و تحيا الجمعية و يحيا الڨرط، على قناة ولد الفعلة بين المال الخامج و الساسة الخامجين برعاية التياسة الحمقى.

كنا واحلين في “سي سليم” متع المكشخة، توة سي سليم متع “الكلوب”

الكورة أفيون الشعوب، و الباجي قايد السبسي، و القروي يمروح ع الجمرات! تعاطى يا شعبي الطيب تعاطى!

توة ملي كان متحيل بش يولي رجل أعمال ناجح، و “سي سليم” معادش جد بو والدين بوه نديد البجكوش، بش يولي “سي الباجي”.

و إكمي يا مواطن إكمي.. إكمي م التلفزة طول!

أترك تعليقا

تعليقات

%d مدونون معجبون بهذه: