image

علاش ما ننتخبش حمة الهمامي (ياسين العياري)

علاش ما تنتخبش حمى الهمامي..

ساهلة ياسر،

إلي يدعو لإحتلال مراكز الدولة، و لحل مجلس منتخب، ثم جاي يحب يحكم في الدولة و مترشح بدستور كتبه المجلس الي حب يحله;

إلي بالنسبة ليه نداء تونس هو التجمع، شهرين بعد ولا متحالف معاه “لتحقيق أهداف الثورة”;

إلي يتفوخر بإنه كمال اللطيف صاحبه

إلي أول خدمة في حياته يحب يخدمها رئيس ;

إلي وقت محرقة التسعينات، يخدم بوليس : يوزع في كاسات جنسية مضروبة لمورو و الكتاب متاعو يتباع في المكتبات حتى 96

يتسمى سكيزوفران، مراهق سياسي، أو رڨاص!

تي هو شيوعي و يستعار من كلمة شيوعي و زيد متحالف مع عدوه الطبقي ضد أولاد طبقته، تائب على الصراع الطبقي، و الزوالي و غاز الشيست ما يتفكرهم كان في حكم النهضة .. و إنت تقلي ننتخبو!

و زيد يزينا م الرؤساء الي تحكم فيهم نساهم و مستواهم باك إلا ثنين!

باهي إنتخب كلثوم كنو!

أناهي، القاضية الي ما تحترمش الدولة و تحب تسقط مجلس منتخب و اليوم تحب ينتخبوها و تولي رئيسة دولة!

يمكن كان ما إنحصرش برنامجها في نصها اللوطاني (أنا مرا إنتخبوني خاطرني مرا) و في التلحيس للبوليسية كانت تكون عندها حضوض

باهي، زيد قلي سليم الرياحي موش عاجبك!

لا يعجب الحق، هو سير جمعية كورة صرف عليها خمسين مليار دخلها في حيط، ما جاب شيئ، خلي دولة!

و زيد شنوة مستواه الدراسي سامحني..

تي هو الڨذافي الي آمنه من خوف قلبه في فلوسو، خلي تونس الي هرب منها مطرد!

قلي الباجي خايب إمالة..

لا هذاكاهو.. حاشاكم ما يحكمش في بولتو بش يحكم في دولة!

برنامجه الإنتخابي نساه، غدوة ينسى وزير الدفاع شكون!

كان عندك بنتك و إلا أختك، تعطيها لشايب مكمل عمرو تسعين.. أكيد لا، إمالة كيفاش تحب تعطيه تونس!

نقعدوا ضحكة بين البلدان، يحكم فينا كوش!

إمالة إش بش تنتخب..

بش ننتخب دكتور حقوقي مثقف وقف له العالم تصفيقا و رفع هامتنا بين الأمم، بأسه شديد على الفساد (كمال النابلي، رشيد عمار، الزبيدي) حنين على الأرملة و الثكلى و الزوالية، ولد طبقتي، ولد تونس المحرومة، الدكتور المنصف المرزوڨي

أترك تعليقا

تعليقات

%d مدونون معجبون بهذه: