عماد دغيج: “انتفضوا لتتحرروا قبل ان تأكلكم السجون”

كي يموت شاب تحت التعذيب ( انيس دقليز ) و الناس تسكت على حقوا وقتها ما تسالنيش علاش تظلمنا …
كي نشوف راس الفساد في تونس كمال اللطيف يحكم بحكامو و السياسيين الكل اتبندرلوا و الشعب ساكت وقتها ما تسالنيش علاش رخُصنا …
كي رموز التجمع ترجع و تخرج مالحبس مرفوعين الراس و يحتلوا المنابر الاعلامية ويصبحوا هم المناضلين و احنا المجرمين وقتها متقليش علاش تقمعنا …
وقتلي يموتوا زوز بنيات غدرا في القصرين على يد بوليس الحجامة و لا حس و لا كلمة من الجماعة اللي قيّمت الدنيا في احداث الرش بسليانة وقتها نقول ما ارخص دمك يا ولد بلادي
وقتلي نشوف ولاد بلادي اللي اتظلموا و اتقمعوا و اتسرقوا و اتحقروا من طرف التجمعيين ،اليوم البعض فيهم يبندر لحزب نداء التجمع و يقلك يعجبني الباجي ( 90 سنة ) وقتها معادش تسألني على الكرامة و العزة و انحس اللي الذل يجري في دم البعض فينا ومعادش تسالني علاش باش ترجع الديكتاتورية …

هذا طريق العزّة و هذا طريق المذلّة و يا تونسي شوف روحك وين اتحب تمشي … سكوتك عن الظلم و الفساد و الجهل هو في حد ذاته ظلم و جهل ، انتفضوا لتتحرروا قبل ان تأكلكم السجون . قف انتهى

أترك تعليقا

تعليقات

%d مدونون معجبون بهذه: