a43e55a86fa58b3b1bd318984aea517b_XL

عماد دغيج: لقد بلغ ظلمهم و فسادهم مستوى غير مسبوق..لهذا أدعو أحرار و شرفاء تونس للنزول بكثافة للشوارع في موعد 13 أوت القادم..

[ads2]

دعا الناشط الثوري عماد دغيج عموم شرفاء تونس و أحرارها و ثوارها للنزول بكثافة يوم 13 أوت القادم على الساعة الخامسة مساء قبالة المسرح البلدي بالعاصمة و بكافة الساحات بولايات الجمهورية مؤكدا أن الظلم و الفساد قد بلغ مستويات غير مسبوقة و أضاف دغيج:

تونس موش دار بوك …
تونس حررها رجالها مالحكم الاستبدادي و الحكم العائلي
تونس مهاش عاقر ، تونس ولّادة للاحرار و الشرفاء
القايد روحو ماعندوش صكّ على بياض باش يفرض علينا اللي يخطرلو على بالو
يا رئيس ، الشعب التونسي موش باش يخليك ترتع فيها كيما اتحب …
بلادنا هدّها الارهاب و الفساد ، غلاء و بطالة ، فقر و تهميش ، حقرة و استبداد
ثرواتنا نهبوها و بالعقود باعوها
فلوسنا سرقوها و يحبونا نصالحوهم !!!
نسبة نمو صفر و التشغيل صفر …
التونسي مُحبط و منهار و يعيش في حالة يأس و اكتآب ،
التونسي فاق بالحقيقة المرّة ، حقيقة العصابة اللي تحكم فينا من امام و من خلف الستار
مناش ساكتين و مناش باش نخلوكم اتزيدو تهلكو بلادنا و اتبيعوها …
موعدنا يوم السبت 13 اوت ، على الساعة الخامسة ، في شارع الثورة من امام المسرح البلدي …
باش نخرجولكم كبار و صغار ، نساء و رجال ، احرار و حراير ، الحوم الشعبية و اولاد الحفيانة ، فقط باش يكون انذار اول للباجي و الشاهد قبل ما نُعلن التصعيد معكم …
فبحيث حطوا في بالكم اللي راهي تونس برجالها اتحارب على جالها و الرخ لا …
نور الثورة في قلوبنا ما يطفاش و دم اخوتنا ما يمشيش للشاهد و قريبو الباجي .
‫#‏تونس_مش_دار_بوك‬
‫#‏لا_لنهب_ثروات_الشعب_التونسي‬
‫#‏لا_لقانون_المصالحة‬
‫#‏لا_للعصابة_الحاكمة‬

[ads2]

أترك تعليقا

تعليقات

%d مدونون معجبون بهذه: