عماد دغيج: موقع الصدى يحاكم على جهاده الإعلامي ووالدتي أيضا في القضية يوم الجمعة

تنديدا بالمحاكمة المرتقبة في حقّ موقع الصدى المزمع عقد أوّل جلساتها الجمعة 04 جويلية 2014، و استنكارا منه لوقوف كلّ من راشد الخياري مدير الموقع و السيدة أمّ السعد المعاوي والدة قائد رجال الثورة بالكرم عماد دغيج أمام القضاء، كتب هذا الأخير على صفحته الخاصة بالفيسبوك ما يلي :

“نعيطلها يا ام السعد فديما اتقلي ” ناي ام الهمّ موش السعد ” ، طلع عندها الحق ، ما يكفيش الأتعاب اللي سببتهملها طول حياتها بين المراكز و مناطق الأمن و بوشوشة و القرجاني و سجن 9 افريل و سجن قابس و شيبة متاع المهدية و المرناقية و نزيدهم الغصرة كيف مشيت لحرب الخليج في العراق و اللي عاناتو وقتها ، اليوم نتسببلها باش تاقف و لأول مرة في حياتها بعد 75 سنة باش تاقف في المحكمة امام القضاء هي و الأخ راشد الخياري مدير موقع الصدى على خلفية الفيديو اللي دعاة فيه على القاضية التي حكمتني بـ 14 شهر ، اي نعم اليوم في تونس نحاسبو ام الأكثر من سبعة عقود على حرقتها على ولدها و تخميرتها ضد من امر بسجن كبدتها كيما اتقول هي ، اليوم الصحفي راشد الخياري يتحمل وزر والدتي و باش يمثلوا امام القضاء يوم 4 جويلة كي يحاكم هو من اجل نشره للفيديو و كي تُحاكم امي من اجل ” لا التطاول على الذات الاهية ” او حتى التطاول على رموز الدولة كرئيسها المرزوقي ، بل سيحاكمون من اجل المساس ” بقداسة ” القاضية سميرة القرماني . واصلوا و حدثوني عن انجازات الثورة و تكريمها للشهاء و الجرحى و كل من ساهم فيها ، هل هذه تونس التي نحلم ببنائها ؟؟ ام هذه تونس التي اعتقدنا باننا سنطهرها من الأنجاس ؟؟ عفوا يا ام السعد كان عليّ ان اركع و اصفق لهم كي يكرّموكي ، صبرا يا ام السعد فقد علمتيني بان الركوع لا يكون الا لله ، و عذرا اخي Rached Khiari فانت تدفع ثمن جهادك الاعلامي و نصرتك للقضية اعلم بانهم لن يزيدوك الا شجاعة و ثباتا على الطريق .

حسبنا الله و نعم الوكيل في الطغاة “

أترك تعليقا

تعليقات

%d مدونون معجبون بهذه: