عادل1

(فيديو) رسالة من ملتقى الشعراء ببنقردان ” سارق سرق بترولنا برضاك..و تغموا فينا بااش ما نحكوش “

نُظّم  ليلة الجمعة  08 أفريل 2016 بدار الثقافة بنقردان  ملتقى للشعراء  حضر فيه أكثر من 18 شاعر من كلّ من بن قردان و مدنين و صفاقس .

قدّم خلاله الشاعر عادل الجبراني قصيدته ” ملحمة بن قردان” و التي تضمّنت الابيات التالية :
….

بلادي و انا نحماها و يا سعد من نال الشهادة فاها
بصغارها بكبارها بنساها صناديد ديما الفوق..ما يذلوش

تونس الخضراء شيء ما يأتاها بقدرة الله مشو ما يولوش
اني نقول يا نواب يا شادين الحكم يا الاحزاب

هنا ناس تصدوا جميع للارهاب و انتم مازلتم ما تصديتوش
ارهاب ثاني اعملوله حساب دولة وغرقت فيه للعنكوش

ارهاب بيتروفاك قسمة بريتشقاز مع باراك
و سارق سرق بترولنا برضاك و تغموا فينا باش ما نحكوش

و بطال قاري سنين بعد الباك شبابه تعدى ملعقة و بيوش
هذا الارهاب الثاني ارهاب كيف ارهابهم لولاني

شاعر طموح حكيت من وجداني و يصعب كلام الحق على البكوش
الاسم عادل و اللقب جبراني و ملحمة بنقردان ما ننسوش
وقت اللي صار الضرب بالكرطوش كانوا جميع جيوش
و قالو حني فرسان ما نخافوش ”

 

 

أترك تعليقا

تعليقات

%d مدونون معجبون بهذه: