560160_10204249217422642_1851602307063873858_n

كلمة لسي الباجي .. (بقلم/ هدى إدريس)

سي الباجي …
أنا هدى ادريس …مرا تونسية … دكتوراه مرحلة ثالثة في قانون الأعمال… محامية و روائية و كتبت الشعر زادة مارست المسرح و شاركت في برشا مسرحيات في التياترو و على مسرح قرطاج و الحمامات.. نموت عالكتاب بالعربي و الفرنسي و نشيخ عالسينما و الرسم و الموسيقى…نفنى عالجو واللمات و الخرجات مع الأصحاب و الأحباب
نهارة 9 جانفي 2011 قلت لا لقتل المتظاهرين و نهار 13 جانفي قلت ديقاج للزين و على مدة ثلاثة سنين جندت وقتي و جهدي باش ندافع على وحدة التوانسة رغم اختلافهم في الرأي و المرجعية و دافعت على حرية التعبير و الديمقراطية و دافعت على مؤسسات البلاد – و أولها المجلس التأسيسي- ضد الانقلاب و رجوع الدكتاتورية
أنا من الـ33% مالتوانسة الي انتخبو المرزوقي ياخي اتهمتهم انتي بالعنف المسلح و الجهاد… شنوة مصيري و مصيرهم كان تولي انتي رئيس البلاد؟
أنا اخترت المنصف المرزوقي رئيس تونس على خاطر هو الضامن الوحيد ضد رجوع الاستبداد و باش نصوتلو في الدور الثاني باش نحمي وحدة الشعب و البلاد
أنا مانيش سلفية جهادية..أنا مانيش عنيفة و متطرفة و إرهابية…أنا ديمقراطية …أنا مرا
تونسية بالفم والملا …و نقول لتقسيم التوانسة لا و ألف لا

أترك تعليقا

تعليقات

%d مدونون معجبون بهذه: