كلمه والدة عمرو ربيع من المؤتمر الصحفي اليوم بهندسة القاهرة

من المؤتمر الصحفي اليوم بمصر :

كلمه والدة عمرو ربيع : فقدت ابني في بلد مفيهاش قانون . . اخدوه في عز النهار في ميدان عام ،لو فعلا عنده تهم يظهروه ويقولوا هو فين!
ابني اللي بيبني أمة وكان دايما يقول محو الامية ده جهاد العصر ..

خايفة يكونوا قتلوه أو عذبوه أو أهانوه أو عملوا أي حاجة تكسره بس ان شاء الله مش هيتكسر مهما حصل مش هنتراجع عن الحق احنا ناس مش بنيأس لاننا عارفين ان العيش عيش الاخرة وانا بقول لوزير الداخلية ابني لو جراله حاجة انتوا المسئولين ..

ابني ثورته كانت عشان ميشوفش اي مظلوم ويعمل ما يرضي الله ورسوله لو دي تهمته فأنا فخوره بيه ولو كتمتوا صوته صوتي هيطلع مكانه و نحن لا نخشي الا الله…انا بقالي 21 يوم معرفش ابني فين . . الكلام ده مش موجود ف اي قانون !
كل مايهمني اعرف مكانه واحواله . .ابني عايش ولا ميت؟
انا بسأل النائب العام ابني فين وعمل ايه؟
ابني كل عمله خير ، هل ده جزاءه عشان ضيع سنه من دراسته لانشغاله ف اعمال الخير؟
يا سياده النائب العام انا قدمتلك بلاغ . . عملت ايه؟ فين التحقيق؟
احنا ف دوله بوليسيه ، ابني اتخطف م الشارع !
انا راجل عالمعاش محتاج ابني يقف جنبي وياخد عزايا لما اموت. .
اللي عايز يساعدنا ، يساعدنا نلاقي مكانه . .

أترك تعليقا

تعليقات

%d مدونون معجبون بهذه: