مغنّي الرّاب ”الكابون” يبدع في كشف و نقد الدستور على طريقته

بعد نجاح أغنيته البوليسية قطاطس التي إنتقد فيها وضع حقوق الإنسان في تونس أصدر مغني الراب ألكابون أغنية جديدة بعنوان دستورنا و في إتصال له مع الصدي أكد أنه بصدد إعداد باقة من الأغاني ينتقد فيها الوضع السياسي في تونس.. كلمات الأغنية :

بلادكم داخلة بعضها حاشتها بالدستور كان هزيت الزوالي راو ملا عليك الفصول قانون مكتوب ، موجه للزوالي الفصل الأَوّل: تَبْقَى دِيمَا لْتَالِي الفصل الثَّانِي : تَبْقَى دِيمَا تعَانِي الكتاب ب 4 آلاف والتعليم هوني مجاني هناني ،بناني ، ما تدفع ولدي والو ماتقراش ايتيد زادا ماتفهم والو الفقري في بالو ، لاخر زادا في بالو الاول حافظ فصلو ، اما الثاني ماعلابالو نغني على جالو ، شكون يغني على جالي ؟ عمرو ماتبدل حالي ديما محسوب لتالي خاطر في القانون زوالي ؛ قدري واطي ؛ قدرك عالي انا رخيص وانت غالي ؛ خاطر حالك موش كي حالي ركز معايا واحفظ الفصول فصل، فصل ، درس ،درس ، نكتبو ليوما الدستور آه، الفصل الثالث : كيما العالم الثالث انت صغير وغيرك شارف، خاطر ماعندكش معارف الفصل الرابع ماتصدقش عملنا ثورة يموت في سطل بغلي الي برجو بالمرمة ماتبدل شيء ؛ واحد ميت ، لاخر حي الشعب يجري ورا الموجيرة ، والموجيرة تڨود في الري ميت حي … نتنفس ؛ اما صفر في الكاسة زوالي يحب يعيش ماتهموش سياسة الفصل الخامس ؛ الحاكم معادش احناش پورتون تبدلت الاسامي اما الرجلة مافماش كانو حناش ولاو ڨرودة ، في الدستور ليوم محطوطة الكلب يبقى كلب والبعبوص ديما مالوطة الفصل السادس ؛ كون لصغارك قدوة باش تخدم في الدارة احفظ كلمة ارجع غدوة قانون الادارة يطبق في كل بلاصة شركات ولا معامل يحفضوه زادة العساسة متفق عليه ، لاغبار عليه من يكون ضدنا عليه ان يجلس عليه البقاء للاقوى :قانون الغاب السائد نظامنا صحيح والباقي نضام بائد الفصل السابع ؛ 7 تولي الوطنية قناتنا البهية لا تهمها القضية كان الكذب والنفاق ميديا ياسر المسخة في الريساپتور متاعنا قنواتنا لكل مفسخة الفصل الثامن : تعدي حياتك هامل خوذ الباك اقرى فاك وامبعد تلقى الحيط مقابل في المقابل : بلاش باك في بلاصتك يمكن بصاصتو اكبر من بصاصتك من غير مانطول بيناتنا الفرق شاسع ملخص الفصول كتبناه في الفصل التاسع صحيح عايش في تونس اما راك عايش متغرب لنا محكوم بالموت وكانك عوام جرب هكا يحبونا : كل مرة يزيدو فصل جديد يا نعيشو ورا الحدود يا نعيشو ورا الحديد يزيدو يقروك القانون فوق الجميع القانون فوق الزوالي ، والزوالي فوقو الجميع قانون كاتبينو هوما يتطبق علينا احنا نعيشو محنة وراها محنة مالا منا اسمعها تونس مكسرة ملي كان بورڨيبة 14 جانفي جات خيطتلها طبيبة رجعت اون كوپل يمكن هذا المكتوب الحجرة ماتذوب وتونس زادة ماتتوب للي يستنى في الدستور نهديهولو ليوم في غناية كان يشوفو غالط يعمل طلة بحذايا يشوف كيفاش العيشة الي عمرها ماكانت عيشة بنات تلم في الدبابز موش تڨربت في كانيشة نزيدك فيشة … الدستور عمرنا ماقريناه مالا الدستور الجديد زادة بلو واشرب ماه صحيح زوالي اما فمخي بارشا ريق موش الفايدة في الدستور اما الفايدة في التطبيق ناس تظرب في ملاين باش تكتبلي زوز فصول ماهو يا الشعب ظارب يا انا بيدي مهبول هات مليون اتاو نكتبتك 3 دساتير نزيدك الرابع من عندي والخامس عالعينين مالا كلامي واضح واعطيتك روح الزبدة دستورنا مكتوب وحافضينو عنا مدة رابط الأغنية : http://www.youtube.com/watch?v=c9D36Oocek4

أترك تعليقا

تعليقات

%d مدونون معجبون بهذه: