موعد الوصول معلوم بالضبط .. والسبب مجهول! (بقلم/ إسكندر الرقيق)

ما ثمة حتى صحفي استقصائي يقول لنا اش جاي يعمل برنارد ليفي في تونس…
واشكون استدعاه…
ولواه جاي هذا الثعلب في هذا الوقت بالذات…
وفي ليلة انطلاق حملة الانتخابات الرئاسية…
ثم هذا البرنارد الثعلب، تي ماهو ملياردار وعندو طائرة خاصة،،،
وكان يمكن ياتي بطريقة سرية في طائرته الخاصة ويحلولوا المطار الخاص ولا من شاف ولا من دري…. حتى لطفي العبدلي ما يسمعش به،،، ولا نزار الشعري متاع تونيفزيون …
الا انه يقال انه فضل المجيء على رحلة متاع الخطوط الجوية التونسية المعروفة الموعد بالضبط ،، وليستمتع بخدماتها “الخمس نجوم”… وذلك حتى يستطيع صديقي العزيز معز الحريزي التقاط صور للمنددين بالزيارة … وحتى الفنان لطفي العبدلي يسجل فيديو ويهبطو في الفايس بوك…
راهو هذا المافيوزي الفرنسي الصهيوني كل خطوة عندو محسوبة،،،
ولها رمزيتها ومعانيها،،،
وكل صورة تلتقط له لها ما بعدها من تداعيات …
قلبي ما قايلي خير من هذه الزيارة…
يا رسول الله حتى واحد لا يعرف اشكون استدعاه ها المافيوزي الفرنسي الصهيوني هذا ….
إن شاء الله برك ما يطلعش كمال لطيف …
حاصيلوا ربي يقدر الخير وبرة…
ظاهرلي البجبوج اللي أكبر من بورقيبة وقت كان يحكم ماشي يهزها من الدورة الاولى …
وقتها نقولو للديمقراطية باي باي…

أترك تعليقا

تعليقات

%d مدونون معجبون بهذه: