هذا ما يحدث كيف جاهل على راس الاتحاد (ياسين العياري)

قلك الإتحاد.. وخر، و زاد وخر و بش يقدم قضية!
شوف أ سيدي!
قضية بشكون…
بعبد السلام جراد و جماعته.. لا!
إمالة بالعصابة الي مرمدت الشغالين لعقود.. أبدا!
إمالة بالجلادين الي عذبوا النقابيين، القضاة الي حكموا عليهم .. مستحيل!
بلي قتلو النقابيين تقتيلا في الخميس الأسود.تو هذا حديث.. هاذكم ولا خماس عندهم
تي أكيد إمالة بالسراق الي سرقوا و خوصصوا و فسدوا و نخروا الدولة و القطاع العام.. تي لا يا راجل!
رافعين قضية بواحد قال عليهم داعش!
و شكون الواحد.. الدكتور هنيد.
تعرف إش معناها دكتور  يا عباسي، راهو موش معناها طبيب..
منغير ما نحشمك، نعرفك أمي و هاو بش نفسرلك : ريت الي عديتو إنت تلحيس و قفة لجراد و لبن علي، ريت الكاريار هذيكا الكل.. هو عدى أكثر منها بين الكتب.. تعرف إش معناها كتاب ماهو!
إتحاد القضايا الصغرى و الريق البارد و تشقشيق الأحناك : ورثة جراد.
لو يبعث حشاد حيا، لشلبقكم دعشوشا، دعشوشا.. أو لخدمتم الفسبا و لقتلتموه و تاجرتم بذكراه.
تف على المفرخ، الزغزغ، الفاضية شغل الي خذات هالقرار! تف!
قله إتحاد و عمال و تاريخ و هموم جامدة، رافع قضية كيف هاذي : صحيتو يا غولة، يا شجعان، يا أبطال الديجتال!
هذا ما يحدث كيف جاهل على رأس الإتحاد.
مسخرة، و الله أصبحتم مسخرة!
هيا سيدي، من هذا المنبر، دولة الإتحاد العام التونسي للشغل داعش، و المخير فيكم يعرضلي في الدورة!
مزال إتحاد هو..
أصبح كالعاهرة العجوز، من فرش الأوتيكا لفرش التجمع ، لفرش السراق و الجلادين : الجميع لفضها بعد قضاء حاجته، كيف تسكر هاني تتفكر شبابها و تحكي على حشاد، منعوتة بالصبح رائحتها كريهة، و “القواد / الماكرو” متاعها مستوى السنة الرابعة د.
تف!

أترك تعليقا

تعليقات

%d مدونون معجبون بهذه: