ياسين العياري:شوليقة الشروق متع مناشدة بن علي ثم مناشدة رشيد عمار تدخل مرحلة جديدة من التشوليق

 كتب ياسين العياري على صفحته الخاصة على الفايس بوك ما يلي :
شوليقة الشروق، متع مناشدة بن علي ثم مناشدة رشيد عمار تدخل مرحلة جديدة من التشوليق!

قلك حسب أرتيكل في الواشنطن بوست! الواشنطن بوست عندها سيت واب فيه أرتيكلواتها، وصل واحد ظهرتلو ياسر كبيرة الحكاية كلم شكون في أمريكا ثبت في الأعداد الورقية، الأرتيكل لا يوجد!

واحد باش يقطع الشك بعثت مايل للواشنطن بوست و جاوبوني : ما خرجتش أرتيكل جملة، ما فماش منها الحكاية، و أبو أنس الليبي ما حكاش معاها!

عدة أسئلة تطرح نفسها، أنا أرتيكل قرى “الصحفجي” ؟ خلق إعترافات و بنى عليها نتائج و وصل بيها معلومات و تحاليل للمواطن البسيط

ثم، لهالدرجة إحتقار للشعب، يسخايبو العباد بهايم ما فيهم حد بش يحل الواشنطن بوست يثبت؟

ثم لمصلحة من توتير العلاقة مع ليبيا و تشويه أنصار الشريعة و حث الناس على العنف ضدهم؟

باهي ويني نقابة الصحافيين من فضيحة كيما هاذي؟ سكوتها و تطفية الضو على مهزلة و مغالطة قد هاذي، كذبة قد هاذي، لعب بعقول الناس و زرع للفتن يزيد يعمق الفضيحة!

كان فمة محامي ينورنا، هل ممكن تتبع الجريدة على هذه المهزلة؟

خاطر في الشروق، كي تحب تكذب و تسمم، قول هاي جريدة أمريكية قالت و إنت فقط صباب ماء ع اليدين و إبدا إكذب و حلل و زيد

حسب أرتيكل في الواشنطن بوست، إعتراف إرهابيو شوليقة الشروق أنهم كانو و لا يزالو و إلى الأبد : إعلام العار

أترك تعليقا

تعليقات

%d مدونون معجبون بهذه: