ياسين العياري: القول بأنّ ما فعلته النهضة حكمة هي كذبة كبرى و الثوار الذين يتعرّضون للسبّ الآن هم من أعادوا النهضاويين من المنافي

كتب المدون ياسين العياري عبر صفحته الشخصية على موقع فيسبوك رده على من يعتبر ما فعلته النهضة أنها حكمة و أضاف:

إنسحاب حركة النهضة من الحكم و توافقها مع الفساد و الخماج، كانت حركة حكيمة جنبت البلاد الإفلاس بعد فرض حصار داخلي و خارجي على الحكومة و الدولة، الحركة الوحيدة الممكنة بعد فشل النهضة في إيجاد أي حلول أخرى، و الثورجية بودورو الي موش عاجبهم عايشين في العالم الوردي المزركش بالألوان السحرية الزاهية فالحين كان في الكلام.
مم، مليح، وخي عاد كي هكة، لواه بش تشارك في الانتخابات الجاية النهضة، ماهم توة يعاودو يحاصروها و يفرضو عليها و هاك العسول، بش تتنحى الضغوط، بش تولي الفلوس تجري أنهارا و بش تلقى الحلول و الي خرجوها المرة الي فاتت بش تهبط عليهم الحنية مبعد، و ماهيش بش تخرج م الحكم مرة اخرى،شنوة الي بش يتبدل، تي امالة علاه!
عاد ماهي تكرم لحيتها بيدها، و لواه تكسير الراس و التفليم.
و كان بش تلعبها رابع للأخرين ميسالش، و ريق مكملات ، اكا يكملوا بيها الطرح، تي عاد لواه تقول للناس انتخبوني، ماهم ينتخبو الأخرين خير طول منغير مسرحيات
و الثورجية بودورو سيدي خويا، هوما الي وصلوا النهضة للحكم، تي موش للحكم، وصلتهم انهم نهار الي يموتو يتدفنوا في تراب الخضراء بعد أن كان حلما صعب المنال لأكثرهم.. لكن أكثرهم لا يشكرون.
و تلوم عليهم هالثورجية المزعجين كان الكلام برك، لو لم يكن الكلام و الحجة و الإقناع مهمين، لما أختارهم المولى معجزة خاتم الأنبياء.
من يرد حلا يجد وسيلة، و من يخفي عجزا يجد عذرا.
من يتق الله يجعل له مخرجا، من يتق كمال اللطيف يجعل له توافق.
شبه الشيخ التجمع و النهضة بقابيل و هابيل.
التشبيه الأصح و الله أعلم، هو التجمع قابيل و الثوار هابيل.. و النهضة شنية.. قد تكون فك الحمار الذي قتل به هابيل
مقتطفات من حوار صباحي، مع صديقي النهضاوي.
صباحكم حزم و حلول، صباحكم ثورة، صباحكم سكر

10-06-2014 21-31-12

أترك تعليقا

تعليقات

%d مدونون معجبون بهذه: