971129_589585401072264_910670448_n

ياسين العياري ردا على محاكمة راشد الخياري يطلق هاشتاغ #حاكمونا_الكل

في حركة تضامنية مع مدير موقع الصدى راشد الخياري، أطلق الناشط السياسي ياسين العياري هاشتاغ  #حاكمونا_الكل و كتب على صفحته الرسمية ما يلي :

” تضامنا مع راشد الخياري و والدة عماد دغيج، في المحاكمة المسخرة المهزلة الي يتعرضولها.

فإني ياسين بن الطاهر العياري ب ت و 04699281 أدعو على القاضية الي حكمت على عماد دغيج بقطع الرزق و بالظلمات و بالذل و فقد الصحة (ندعي كيف العزايز ميسالش) لحكمها الظالم الغير عادل.

و توة تعرضلي في الدورة، و بالموصل.

نطلب من كل الأصدقاء القيام بنفس الشيء، و الي عنده إسمها و لقبها و صورتها يمدني بيهم رجاءا، توة نهبطهملها من تونس، مع ما تيسر من الدعاء!

اليوم أم عماد دغيج تحاكم لأنها دعات على القاضية الي سجنت ابنها ظلما و راشد الخياري لأنه بلغ صوتها، كان سيدة العڨربي ما يشوفهاش القضاء!

تفضل، حاكمني حتى أنا.

هاني حتى أنا دعيت عليك و هبطتها على الفايسبوك : حاكمني، حاكمنا الكل!

يحبوا يستعبدونا بالخوف، يحبوا يخوفونا باش يركبوا علينا!

وفى وقت الخوف يا كبدي.

تره كي يدعيو عليها 100 و 1000 و 10000 واحد، إش بش تعمل! خلي تحاكمنا الكل..

توة تشوفو، ملي كانت محاكمة هدفها تخويفنا، سينتقل الخوف إلى قلوبهم.

كونوا أوفياء لروح 17 ديسمبر : لا خوف بعد اليوم! نهار الي تخاف تتذل! و راهم ما يخوفوا كان الي يخاف منهم.

‫#‏حاكمونا_الكل‬ ”

أترك تعليقا

تعليقات

%d مدونون معجبون بهذه: