ش

ياسين العياري : هل أتاك حديث المتسول الكذاب..

هل أتاك حديث المتسول الكذاب..

يحكى أنه ذات مسرحية “نم يا حبيبي نم” كان إسمهم الإرهابيين، الأساسان، الجرذان، الرجعيين و للتخلص منهم نخدمو خماسة عند كلاب الإمارات و أسقط ما جابت تونس..

يحكى أنه، كيف بش يترشح للرئاسة، مشالهم هوما بيدهم يلحلح يزحف و يتسول، باش خذا تزكية من نائب منهم!!

باطل يا حمة باطل!!

كانهم خاطيهم الإرهاب، و إنت تكذب عليهم و تفلم بجثة الرفيق، يعني أنت متحالف مع الي قتلوه، و تاجر جثث فتف عليك.

كانهم إرهابيين، مسؤولين على قتل رفيقك، و مشيت تتسول و خذيت من عندهم تزكية، فأنت حاط يدك، و ماخذ تزكية و عاملين عليك مزية، الإرهابيين الي قتلو رفيقك : فتف عليك!

نحكيلكم على متسول كذاب ٱخر..

المهدي جمعة، بعد ما لحلح تلحليحا بالنهضة إلى درجة التجبهية، و رغم ضغط وداد و سفير فرانسا، و تسوله من منبليزير التزكية تسولا..

لما إعتذرله علي العريض، خرج يكذب إنه موش مترشح : أحنا البلد الوحيد في العالم، الي موش مترشح يعمل ندوة صحفية يقول إنه موش مترشح!!

في بقية بلدان العالم، الي يترشح يعمل ندوة، أحنا لا! الي موش مترشح!!

شبيني ما علقتش على تخلويض النابلي.. لأنه التعليق الوحيد الي يليق بيه، هو تعليقه هو و نسيبه في باب سعدون، و البزقة حاشاكم بألفين..

بقدرة ربي هكاكة نرجعو سوم طرناطة و نص ذهب.

شبيني ما علقتش على الشلبوق العالمي الي كلاه الإتحاد بوصفه مسؤول مباشر على البطالة و تراجع الإقتصاد تحت حكم الترويكا : أكل الجيفة حرام!

تحية للمناضل أنور الكوسري، عمل ستاتو قال الي هو متطوع حماية لتونس و الإنتخابات لرفع قضية بأي واحد يحاولوا يشريولو صوتو و إنه بش ياقف شوكة لكل جريمة إنتخابية.

أشرتله بكل لطف و كل إحترام لمقامه، بإنه ثمة عملية مضرة بالإنتخابات، يا ريت يتكرم و يرفع قضية، فيها زوز سيارات مصفحة : فسخ التعليق و بلوكاني.. شبيك ! راهو بيناتهم ماء و ملح، نقصد روز و فاكية مع غلام خلفان.

كل يوم يتعدى.. يبان الطيب من الخبيث، الإرهابي و القاتل و المستثمر.. من الضحية السياسية، و تتعرى الحقائق و الخفايا لقوم كانوا لا يبصرون.

ڨداش كليتو لوح يا براكة، و ڨداش عريتي يا ثورة من شلاكة!!

أترك تعليقا

تعليقات

%d مدونون معجبون بهذه: