Ayari-yacin

ياسين العيّاري: أدعو كل التونسيين للنزول للشارع يوم 13 أوت القادم للتصدي لعصابة الفساد التي عينت صهرا و عميلا رئيسا للحكومة

[ads2]

دعا المدون ياسين العياري كافة التونسيين للنزول للشارع يوم 13 أوت القادم أمام المسرح البلدي بالعاصمة بداية من الساعة الخامسة مساء و قال العياري في تدوينة له على موقع فيسبوك:

يا أهل الفايسبوك،
بالنسبة للوقفة الي كان مزمع تنظيمها غدوة للضغط على النواب لعدم اعطاء الثقة لحكومة رئيسها أقوى مفاوضات قادها في حياته كانت مع طاطا شاذلية يحطلها طابع سكر و الا زوز في التاي، أقوى مهمة كانت تقارير للسفارة الأمريكية، أقوى كفاءة عنده هي كيف تدمر فلاحة بلادك في ستين يوما، فقد وقع تأجيلها ليوم 13 أوت/ أغسطس/ آب الستة متع العشية تفاعلا مع مكونات أخرى من المجتمع المدني : الحاضر يعلم الغايب.
بالنسبة لجماعة مانيش مسامح الي ساندتهم و مزلت مساندهم بدون أدنى تحفظ، كنت أضن، كنت أضن و خاب ضني..
يبدو إنه لا حب إلا للحبيب الأول، قياداتهم تستنى حتى تشوف إش بش تحصل قياداتهم الحزبية السابقة من الحكومة باش تجيهم التعليمات و ياخذو موقف، و كأن تعيين صهر، عميل، مخرب للفلاحة ليس عين الفساد و قلبه و كبدته و رواريه..
على كل، كيما قلتلهم، الأماكن كلها مشتاقة لك، تي إمالة إسترجل!
بالنسبة للقضية متع المحكمة الإدارية،
شكر جزيل لكل من يحاول معنا رغم صعوبة الأمر من الناحية القانونية، لكن أحنا جماعة محاولة إشعال عرف وقيد مبلول خير من لعن الظلام.
الي بالنسبة ليه، الشلبوق الي كلاه سمير بالطيب و انه كان مستعد بعد تفليم يخدم مع النهضة، إنه نجيب الشابي طاح كنترول مرة أخرى، إنه حركة الشعب ما تعلمتش من الشلبوق الي أعطاه الباجي لنجيب و حمة و حبت تاكل حتى هي شلبوق مع الرجال و كان لها ذلك، انتصارات : ما أصغرك!
تكرييك الطماعة و الفاشلين و الي ما تعلموش الدروس و الي بونو الإيصونص منتهى آماله ليس هدفا، لا يرضي أحدا، تي تكرييك سمير بالطيب معادش يجيب جامات على الفايسبوك و انت حاسبه هدف سياسي؟
خليك كبير، أنا نكلم فيه على البذور و ولده و الدستور، و هو يحكيلي على سمير بالطيب!!
13 أوت تذكر، محاولة تشعيل عرف وقيد خير من لعن الظلام، و رانا نخدمو على التراكمات و رفع الوعي أولا.
نهاركم طيب و صباحكم سكر كليماتيزي.

[ads2]

أترك تعليقا

تعليقات

%d مدونون معجبون بهذه: