يا عباد … يا توانسة … (بقلم/ عزيز كداشي)

انساو حكاية شقيف اللي خرجلنا و عطانا درس في التعليق و الدرجيحة
انساو حكاية المليارات اللي تهربت لبنكHSBC من فلوس التوانسة…
انساو حكاية التجارة الموازية
انساو حكاية البنية التحتية المتعبة…
انساو الناس اللي هزلها الماء ديارها و ارزاقها…
انساو حكاية القرض الرقاعي و كل قروض البنك الدولي…
انساو مشروع قانون صادق عليه مجلس النواب يتعلق بالمصادقة على قرض من الاتحاد الأوروبي بقيمة 300 مليون أورو….
انساو كلام وزير المالية اللي قال لا أعرف كيف سأقوم بتغطية 7 آلاف و 500 مليار من النفقات العمومية!!…
انساو كلام وزير الداخلية اللي يحب يرجع الصبابة…
و انساو وعود النداء اللي باش يجيبو استثمارات بمعدّل 25 ألف مليار في السنة و كيفاش السعودية و الامارات باش يرشقو علينا المليارات…
انساو محاكمة النشطاء و المدونين و الاعتداء على الصحفيين و المحامين…
انساو صراع الاذرع و التطاحن في النداء و تصريحات التخوين و التشكيك…
انساو حكاية القفة و الزوالي و الفلفل و المرا اللي عندها 3 اشهر ما كلاتش اللحم…
انساو الديبلوماسية و زلعاتها و خسارة تنظيم الحوار الليبي في تونس لصالح المغرب…

توا لازمنا نركزوا على الخمر و البغاء و العري حلال ام حرام…!!
و نرجعوا نحلو ملفات جهاد النكاح و المساواة في الميراث و الزطلة…!!
وقيّت متاع شوية نمط و حداثة…!!

[ads2]

أترك تعليقا

تعليقات

%d مدونون معجبون بهذه: