%d8%a7%d9%85%d8%a7%d9%84

تزامنا مع الاحتجاجات التلمذية : قصيدة من أستاذة إلى ناجي جلّول

تزامنا مع استمرار احتجاجات التلاميذ بمختلف المعاهد والمدارس الإعدادية  في ولايات الجمهورية رفضا منهم لكثرة الفروض نظمت الأستاذة بمعهد أبي القاسم الشابي بصفاقس أمال كعنيش العيادي القصيدة التالية :

 

مالثلاثي للسداسي و التعليم ديما يقاسي
لا واحد يعطينا الحق و لا وحدة اتطبطب و تواسي
الكلّ يقلّك يزّي فكّ اضرب لكن أخطى راسي
قلبي اتعبّى و فاض الكاس و هالإصلاح فيّض كاسي
ما نقرّي كان بضميري و ما نقرّي كان باحساسي
أما لّي بعثر لحساس و خلّى اللحظة موش قياسي
هالنّاس الي تشدّ الباس و ظاهر لعبتها الكراسي
خلّاو التعليم سفينة يحبّ يغرّقها السّياسي
علاش تنحّي في الثلاثي و تفرض علينا السّدااسي؟؟
و تنحي الأسبوع المغلق تضيّق عليّ أنفاسي
في حبار ستيلويا نغرق لا نعرف راسي من ساسي
نجري في درسي ما نلحق و التلميذ معايا يقاسي
يقلي “تعبنا يا مدام دفواري هو هلواسي”
نقلو “اصبر شي مادام توة يوفى هالسداسي
و نمشي نلقى زملائي أعظم مني في احساسي
كرامتنا موش كلام راهي قبل شربي و لباسي
و اذا طلبنا زيادة مال هاك حقي موش افلاسي
أحنا نربي في أجيااال لا جينا نطلب لا نساسي
قلت نصلّح التعليم و نعمل الي يقلي راسي
الإصلاح موش عناااد تفكّر اذا انت ناسي
وفات أيام الديكتاتووور يزّيها تونس ما تقاسي
انت بلي عملتو هذا في قصر التعليم الماسي
زيّنت شوية البراني و صلّحت شبابك و كراسي
و خليت الوسطاني خاايخ سقفو طايح على راسي
بدّلتو مطعم لقراية فرعستو العام الدّراسي
أمال كعنيش العيادي/ أستاذة بمعهد أبي القاسم الشابي بصفاقس

أترك تعليقا

تعليقات

%d مدونون معجبون بهذه: